पोखरा

पोखरा महानगरपालिका -१४ चाउथे कदममार्गस्थित खाजा घर संचालन गरी बस्ने धादिङ गल्छी गाउँपालिका -२ घर भएका २९ वर्षीय सानुबाबु तुलाचनलाई प्रहरीले १ ग्राम १० मिलिग्राम अवैध लागु औषध ब्राउनसुगर जस्तो देखिने पदार्थ सहित शनिबार साँझ कास्की प्रहरीले पक्राउ गरेको हो ।

प्रहरीका अनुसार उक्त खाजा घरमा लागु औषध बिक्री भइरहेको भन्ने सूचना पश्चात वडा प्रहरी कार्यालय रामबजारबाट खटिएको प्रहरीले चेक जाँच गर्ने क्रममा उनलाई उक्त पदार्थ सहित पक्राउ गरेको हो । उनीमाथि थप अनुसन्धान भइरहेको जिल्ला प्रहरी कार्यालय कास्कीले जनाएको छ ।