पोखरा

पोखरा विमानस्थलबाट मुस्ताङ उडेको समिट एयरको विमान सात मिनेटमै आकस्मिक अवतरण गरेको छ ।  पोखराबाट मुस्ताङ जाँदै गरेको विमानमा गडबडी आएपछि उडेको सात मिनेटमा पुनः पोखरा विमानस्थलमै अवतरण गरिएको हो ।

विमान उडेपछि पाइलटले केही गडबडी महसूस गरेका थिए ।  इण्डिकेशनमा समस्या आएको विमानलाई पाइलटले सिङ्गल इन्जिनबाट सकुशल अवतरण गराए । विमानमा १८ यात्रु सवार थिए । सबै यात्रुहरूको स्वास्थ्य अवस्था सामान्य रहेको छ ।