पोखरा

उत्तरपूर्वी सिरियाको हासके प्रान्तमा आतङ्कवादी संगठन इस्लामिक स्टेट आईएसको आक्रमणमा परी कम्तीमा पनि छ जनाको ज्यान गएको छ ।

सिरियाको कुर्दबहुल हसाके प्रान्तमा सडकमा सवारी साधनमा यात्रा गरिरहेका मानिसहरुमाथि आईएसका लडाकुले हमला गरेका हुन् । आईएसका आतङ्ककारीहरुले सडकमा रहेका नागरिकलाई धरापमा पारेर हत्या गरेको स्थानीय अधिकारीहरुले जनाएका छन् । मारिएका व्यक्ति को हुन् भन्ने बारेमा भने आझै स्पष्ट भएको छैन ।

पछिल्लो समयमा आईएस आतङ्ककारीहरुले सडकमै धराप थापेर व्यक्ति हत्या गर्ने गरेका छन् ।सिरियाली अधिकारीहरुले दिएको जानकारीअनुसार आईएसले सन् २०२२ शुरुबाट हालसम्म एक सय ३० वटा सांघातिक धराप थापेर आक्रमण गरेका थिए । ती आक्रमणहरुमा परेर एक सय भन्दा बढी सर्वसाधारण मारिएका छन् ।-एजेन्सी