पोखरा

पोखराको लेकसाइडमा एटिएम मेसिन फुटाउँदै गरेको अवस्थामा प्रहरीले  एक जनालाई पक्राउ गरेको छ। सोमबारराति पोखरा महानगरपालिका -६ लेकसाईड वाराही चोकस्थित एनएमबी बैंकको एटिएम फुटाउँदै गरेको अवस्थामा धादिङ त्रिपुरा सुन्दरी गाउँपालिका-५ सल्यानटार घर भएका २५ वर्षीय मनोज कुमाललाई प्रहरीले पक्राउ गरेको हो ।

प्रहरीका अनुसार एक युवकले एटिएम फुटाइरहेको भन्ने खबर प्राप्त हुनासाथ वडा प्रहरी कार्यालय बैदामबाट खटिएको प्रहरीले एटिएम फुटाउँदै गरेको अवस्थामा १ थान खुकुरी सहित कुमाललाई पक्राउ गरेको हो । उनीमाथि आवश्यक अनुसन्धान भइरहेको  जिल्ला प्रहरी कार्यालय कास्कीले जनाएको छ जनाएको छ।