पोखरा

अरिङ्गालले टोकेर बागलुङको जैमिनी नगरपालिका वडा नं. ७ जैदीका ४३ वर्षका ज्ञानबहादुर रानाको मृत्यु भएको छ ।

जिल्ला प्रहरी कार्यालयका अनुसार राना रातको समयमा घर नजिकैको जंगलमा अरिङ्गाल पोल्नेक्रममा अरिङ्गालले टोकेर गम्भीर घाइते भएका थिए । राना स्वास्थ्यचौकीमा सामान्य उपचारपछि घर फर्काइएका थिए । तर आज मंगलबार बिहान घरमै उनको मृत्यु भएको जिल्ला प्रहरी कार्यालय बागलुङले जनाएको छ ।