पोखरा

काठमाडौं-पोखरा हुँदै बागलुङ जाँदै गरेको बा४ख ७९४ नम्बरको माइक्रोबसलाई बागलुङबाट पोखरा आउँदै गरेको ग१च ९२७३ नम्बरको बसले मालढुंगा नजिकै ठक्कर दिँदा सात जना घाइते भएका हुन् ।

जिल्ला प्रहरी कार्यालयका प्रहरी निरीक्षक राजेन्द्र गिरीका अनुसार बागलुङ नगरपालिका वडा नं. १ मालढुंगामा नजिकै बस र माइक्रोबस ठोक्किएको हो ।

दुर्घटनामा परी घाइते हुनेहरुमा काठेखोला गाउँपालिका वडा नं. ८ लेखानीका ३९ बर्षीय गंगाबहादुर कामी, सिगानाका ५३ वर्षका रामेन्द्र खड्का, २० वर्षकी गौरी खड्का, काठेखोला गाउँपालिका वडा नं. २ की २४ वर्षकी तारा पौडेल, २५ वर्षकी आरती गौतम, १९ वर्षका सागर बोहोरा र बागलुङ नगरपालिका वडा नं. ११ की १९ वर्षकी सुजता शाक्य छन् ।

घाइतेमध्ये दुई जनालाई थप उपचारका लागि पोखरा ल्याइएको छ । अन्य घाइतेको अवस्था सामान्य भएको र धौलागिरी अस्पताल बागलुङमा उपचार भैरहेको प्रहरी निरीक्षक गिरीले जानकारी दिए । दुर्घटनापछि दुवै बस र चालकलाई प्रहरीले नियन्त्रणमा लिएको छ ।