पोखरा

देवचुली नगरपालिकाको गैंडीमा गैंडाको आक्रमणबाट एक जना घाइते भएका छन् ।

उनको दुम्कौलीस्थित प्राथामिक स्वास्थ्य चौकीमा उपचार हुन नसकेपछि भरतपुर अस्पताल पठाइएको छ । देवचुली नगरपालिका वडा नम्बर १२ का वडा अध्यक्ष लोकप्रसाद भुर्तेलका अनुसार आज बिहान ८ बजे देवचुली वडा नम्बर ७ एस मोडमा बाटोमा हिँड्दै गरेका एक स्थानीयलाई आक्रमण गरेर घाइते बनाएको हो ।

उनको विवरण खुलेको छैन । बाक्लो हुस्सु लागेका कारण मान्छे नचिनिने अवस्था रहेको बेला गैंडाले आक्रमण गरेको हो । आक्रमण गरेको स्थान महेन्द्रराजमार्गबाट करिब ४ किलोमिटर उत्तर पर्दछ । चितवन निकुन्जबाट निस्केको गैंडा चर्दैचर्दै राजमार्गको उत्तरतर्फ गएको स्थानीयको भनाइ छ ।