पोखरा

नेपाली बजारमा आज शुक्रबार सुनचाँदीको मूल्य बढेको छ। नेपाल सुनचाँदी व्यवसायी महासंघका अनुसार शुक्रबार सुन तोलामा पाँच सय रुपैयाँले बढेको छ। आज छापावाल सुन प्रतितोला एक लाख एक हजार चार सय रुपैयाँमा कारोबार भइरहेको छ।

यसअघि, बिहीबार छापावाल सुन प्रतितोला एक लाख नौ सय रुपैयाँमा कारोबार भएको थियो। यस्तै, तेजावी सुनको मूल्य तोलाको एक लाख ९ सय रुपैयाँ निर्धारण भएको छ। शुक्रबार चाँदीको मूल्य पनि तोलामा १५ रुपैयाँले बढेर १३ सय ९५ रुपैयाँमा कारोबार भइरहेको महासंघले जनाएको छ।