पोखरा

दुई किशोरीलाई जबर्जस्ती करणी गरेको अभियोगमा प्रहरीले दुई जनालाई पक्राउ गरेको छ।

जिल्लाको ढोरपाटन नगरपालिका -७ बोबाङ निवासी आयुष बिक र जीवन बिकलाई जबर्जस्ती करणी गरेको अभियोगमा प्रहरीले बुधबार साँझ पक्राउ गरेको हो।

घटना अनुसार मंगलबार राति आयुषले आफ्नै घरमा १६ वर्षीया किशोरी र गत माघ ४ गते आयुषकै घरमा जिवनले १७ वर्षीया किशोरीलाई जबरजस्ती करणी गरेको भन्ने उजुरीको आधारमा प्रहरी चौकी ढोरपाटनबाट खटिएको प्रहरीले उनीहरूलाई पक्राउ गरेको हो ।

उनिहरु माथि अनुसन्धान भइरहेको जिल्ला प्रहरी कार्यालय बागलुङले जनाएको छ।