पोखरा

तनहुँको बन्दीपुर गाउँपालिका–१ डुम्रे बजारमा सञ्चालित एक सुनचाँदी पसलमा आगलागी भएको छ ।

व्यवसायी रोहित विकले सञ्चालन गर्दै आएको पोखरा सुनचाँदी पसलमा आइतबार साँझ साढे ९ बजे आगलागी भएको हो । स्थानीय र प्रहरीको संयुक्त प्रयासमा करिब १० बजेतिर आगलागी नियन्त्रणमा लिइएको इलाका प्रहरी कार्यालय, भानुले जनाएको छ ।

प्रहरीका अनुसार बिजुली सट भएर आगलागी हुन सक्ने प्रारम्भिक अनुमान गरिएको छ । उक्त आगलागीबाट पसलको पूरै भाग जलेको छ तर के कति क्षति भयो भन्नेबारे एकिन विवरण आउन बाँकी रहेको प्रहरीले जनाएको छ ।