पोखरा-जोमसोम नियमित उडान सुरु
पोखरा
पोखरा-जोमसोम नियमित उडान सुरु भएको छ । जाडो मौसम सकिएलगत्तै पोखरा विमानस्थलबाट समीट र तारा एयरको दैनिक नौवटा उडान हुँदै आएको बताइन्छ ।
विमानस्थल सञ्चालन प्रमुख जशोदा सुवेदीका अनुसार गत साताबाट समीटले नियमित उडान सुरु गरेको छ । योसँगै तारा एयरले पनि यो गन्तव्य उडान तयारी गरिसकेको छ । प्रमुख सुवेदीले भनिन्, ‘जाडो महिनामा यो सेक्टरतर्फको उडान प्रभावित भएको थियो अहिले पर्यटकीय सिजन सुरु भएसँगै माग उल्लेख्य आएको छ ।’
उनका अनुसार समीट र ताराले दैनिक ४-४ वटा उडान गर्दै आएका छन् । दुवैको उडानमा अकुपेन्सी उल्लेख्य रहेको उनले जानकारी दिइन् । यसका लागि तारा र समीटले एकऔएकवटा जहाज नाइट स्टप राख्दै आएको उनले बताइन् । पुरानो विमानस्थलबाट फिक्स विङसँगै यतिखेर हेलिकोप्टर, अल्ट्रालाइट लगायतको उडान सञ्चालन हुँदै आएको उनले जानकारी दिइन् ।
गत जनवरी १ बाट अन्तर्राष्ट्रिय विमानस्थल प्रयोगमा आएसँगै नागरिक उड्डयन प्राधिकरणले विकट गन्तव्यतर्फको उडान भने पुरानै विमानस्थलबाट सञ्चालन गरेको हो ।
