पोखरा

ती फरार भएका दुईजना कैदीबन्दी पक्राउ परेका छन्।

बिहीबार राति बेसीशहर नगरपालिका–८ शेरास्थित लमजुङ  कारागारको पर्खाल नाघेर दुईजना फरार भएका थिए।ती फरार भएका दुईजना कैदीबन्दी बिहीबार ९ घण्टाको अवधिमापक्राउ परेका छन्। प्रहरीका अनुसार फरार भएका लमजुङ मध्यनेपाल नगरपालिका–४ का २७ वर्षीय विनोद विकलाई बिहीबार ९ घण्टाको अवधिमा प्रहरीले बेसीशहर नगरपालिका २ चिसापानीको जंगलबाट पक्राउ गरेको हो ।

अर्का फरार रहेका गोरखा चुमनुब्री गापा– ३ का चन्द्र बहादुर गुरुङलाई बिहीबार राती साढे ११ बजे बेसीशहर नगरपालिका १ चिप्लेटीमा लुकिछिपि बसीरहेको अवस्थामा पक्राउ गरिएको जिल्ला प्रहरी कार्यालय लमजुङले जनाएको छ । दुई जनालाई कानुन अनुसार थप कारबाहि अघि बढाइने प्रहरीले जनाएको छ । विक २०७९ साउन २४ गते जवरजस्ती करणी मुद्दामा र गुरूङ २०८० बैशाख ३१ गते ठगी मुद्दामा पुर्पक्षका लागि कारागार चलान भएका थिए ।