पोखरा

तनहुँको घिरिङ गाउँपालिका–४ करूवाटारस्थित शालिग्राम कोरिडोर मोटर मार्गमा एकनाले भरुवा बन्दुकसहित एक जनालाई प्रहरीले पक्राउ गरेको छ ।

पक्राउ पर्नेमा सोही ठाउँका ५९ वर्षीय टेकबहादुर सोती मगर रहेको जिल्ला प्रहरी नायव उपरीक्षक मोहनबहादुर खाँणले बताए । अवैध रुपमा एकनाले भरुवा बन्दुकसहित हिँडिरहेका मगरको शरीरमा खानतलासी गर्दा उनको साथबाट फलामको छर्राका टुक्रा, बारुद, प्लास्टिक कागजको टुक्रा र पटकासमेत फेला परेको खाँणले बताए । मगरलाई हातहतियार खरखजना मुद्दामा आइतबार जिल्ला अदालतमा उपस्थित गराई ७ दिनको म्याद थप लिई अनुसन्धान भइरहेको जिल्ला प्रहरी कार्यालयले जनाएको छ ।