पोखरा

कास्की प्रहरीले गत असार ३० गते पोखरा महानगरपालिका -१ बगर बस्ने ४९ वर्षीय अर्जुन गुरुङलाई अवैध लागु औषध ६७४ एम्पुलसहित पक्राउ गरिएपश्चात गरिएको अनुसन्धानका क्रममा रुपन्देहीको भैरहवा बस्ने ‘रमेश गुप्ता; भनिने प्रकास बानियाँले लागु औषधको अवैध कारोवार गर्ने गरेको भन्ने सूचनाका आधारमा कास्की प्रहरीले जिल्ला प्रहरी कार्यालय रुपन्देही र ईलाका प्रहरी कार्यालय बुटवललाई हुलिया सहितको विवरण पठाएको थियो।

कास्की प्रहरीको सक्रियतामा विवरण पठाए पश्चात खोजीकार्य शुरु गरेको रुपन्देही प्रहरीको टोलीले आज सोमबार बिहान अन्दाजी १० बजेको समयमा बुटवल उपमहानगरपालिका -२ मैनावगरतर्फ लागु औषध बिक्रीका लागि ल्याउँदै गरेको अवस्थामा लागु औषध फेनरागन ४५७ एम्पुल, नुर्फिन ४६२ एम्पुल, सेरीजेट ४७६ एम्पुल, नाईट्रोसन ६७५ चक्की र नाईट्रोभ्याट ७० चक्कीसहित रूपन्देही जिल्ला सिद्धार्थनगर नगरपालिका – ३ खजना बस्ने वर्ष ४५ वर्षीय रमेश गुप्ता भनेर चिनिने प्रकाश बानियाँ, बुटबल -२ मैनाबगर बस्ने ४५ वर्षीया सानदेवी पुन र नवलपरासी जिल्ला सरवाल गाउँपालिका – ४ बस्ने ३४ वर्षीया सुभादेवी हरिजनलाई पक्राउ गरेको हो।

पक्राउ परेका उनीहरुमाथि थप अनुसन्धान कार्य भइरहेको रुपन्देही प्रहरीले जनाएको छ।